前日收工返屋企，雙腳脫離了上半身，零脈搏，在櫈上半癱坐著，動彈不得，只好求許太端過來一桶熱水，希望豬腳快點復活。許太說老爸有買粗鹽，遍尋不果，說幼鹽效果也不差，然後加推一場咦咦哦哦口水戰，一個說水太熱會變成水煮肉，另一個二話不說來個山泥傾瀉式倒鹽落水桶。我對豬腳懸浮半空，想哭又想笑。第二晚，廚房出現一包粗鹽，是許太放工返屋企再特登出去買的。
有一晚，許太邊晾衫邊淡淡的說，「拍拖無壞架，要勇敢，唔好怕，唔好因為被傷害過失去過以後就怕去愛人」，我肯定她最近沒有沉迷韓劇，說畢差點淚崩。那天，是母親節。
突然想到這幕，是因為兩分鐘前我做了個決定：搬出去住的事，擱置吧。
媽似在對我說，「你住雲南那段時間我地日掛夜掛，你搬出去住，沒有人照顧你的，又沒有男朋友，腳腫時有誰幫你加熱水買粗鹽，將你嫁出去前我要你過得好好的，一家人開心」。
我就知道，爸媽要的，不是鈔票房子旅行，是一個會給我買粗鹽的男人。
Jul 13, 2015
